ZER DIRA

Baroja Sariak institutoan sortu eta denboran errotu nahi den proiektu berritzaile gisa definitu nahi dugu.

Azken garaietan, «berrikuntza» kontzeptua erabat lotuta egon da digitalizazioarekin eta hein batean ados egon gaitezkeen arren, argi daukagu irakaskuntza-ikaskuntza prozesuari balio erantsia ematen dion proiektu asko izan daitezkeela berritzaileak, eta hauetako bat BAROJA SARIAK proiektua da.

Egitasmo honek, ikasleak, ikaskuntza prozesuan motibatzea du helburu. Batxilergoko bi urte “gogor” hauetan arnasgune izango duen ekitaldi bat antolatzea. Dagoeneko egiten ez diren zenbait dinamika berreskuratu, beste batzuk egituratu eta berriak txertatuko dituen sorkuntza proiektu bateratu bat antolatzea. Protagonistak ikaslea, jakintzagaiak eta sormena izango dira eta  Baroja Sariak izeneko ekitaldi batean amaituko da prozesua eta Pio Baroja institutua osatzen dugun ikas komunitate guztiari zuzendua. 

Azken ekitaldia, sari banaketa “gala” bat izango da. Itxura elegante eta protokolo zehatz batekin, eta ahal den ofizialtasun guztiarekin eginikoa. Sari banaketa ofizial bat. Benetako sari eta saridunekin.